ပျော်ရွှင်ဖွယ်ကစားနည်း
အပြင်ကပြန်လာတဲ့ငါ့ကို
ငါ့အိမ်နီးချင်းတွေက ပြောကြတယ်။
ငါအပြင်သွားနေတုန်း
ငါ့အိမ်ရှေ့မှာ ပန်းတွေထပွင့်တယ် တဲ့။
“မရှိပါဘူး။ အခုဘယ်မှာလဲ” လို့ငါမေးတော့
“အိမ်တံခါးပိတ်ထားလို့ ပန်းတွေလှည့်ပြန်သွားကြတယ်” တဲ့။
ငါ တဟားဟား အော်ရယ်လိုက်တယ်
“သိပ်ရယ်စရာကောင်းတဲ့ ပန်းတွေပဲ”
ငါ့အိမ်နီးချင်းတွေကတော့
ငါ့ကို အရူးတစ်ယောက်လို ၀ိုင်းကြည့်ကြတာပေါ့။
အမှန်တော့
အိမ်နီးချင်းတွေလည်း ရယ်ရတာပါပဲ
ငါက အပြင်သွားမလိုလိုနဲ့
နောက်ဖေးပေါက်ကနေ အိမ်ထဲကိုခိုးဝင်ပြီး
ချိုချဉ်တွေအကုန် ငါတစ်ယောက်တည်းစားပစ်လိုက်တာ
အ၀တ်အစားမပါဘဲ တစ်ယောက်တည်း က,နေတာ
ငယ်ငယ်က ဒိုင်ယာရီတွေပြန်ဖတ်နေတာ
ညီမလေးကို သူမသိတဲ့ဖုန်းကနေ မက်ဆေ့တွေပို့နေတာ
သူတော်စင်တစ်ယောက်လို တရားထိုင်နေတာ
စဥ့်အိုးထဲက ရွှေချောင်းတွေကို ပြန်ရေတွက်နေတာ
ဒါတွေအားလုံး သူတို့မသိဘူး။
မှူးနေဝန်း
No comments:
Post a Comment